Komnar myndir

Búin að setja inn myndir í myndalbúm  kem með fleiri á morgun af húsinu okkar og úr Nauthólsvík

Skemmtilegur dagur

Dagurinn hjá Unndísi byrjaði snemma fimleikanámskeið kl 9 til 11 og svo labbað heim og borðað, síðan fótboltaskólinn kl 13 til 17 . Við hjóluðum í bæinn eftir fótboltask og hjálpaði daman mömmu sinni að kaupa hjól enda var ég orðin hundleið að vera á jálkinum hans Unnsteins, nú verður bíllinn sparaður allavega hér innanbæjar. Í kvöld verður farið á leik  Sellfos og KA og er í boði fyrir börn sem mæta á leikinn grillaðar pylsur. En á morgun er stefnan sett á Reykjavík að hitta Örnu og fjölsk og ætlum við að nota veðurblíðuna til að fara í nauthólsvík. Þetta er eins og að vera í útlöndum sól og yfir 20 st fleiri daga, það fór í 26 gráður í dag var kófsveitt á hjólinu. Set inn myndir vonandi í kvöld. Það er eitt sem ég sakna mikils að sjá ekki sjóinn er búin að hugsa hvað pollurinn sé nú spegilsléttur þessa dagana, venst því sennilega seint að hafa ekki sjó og fjöllin.

Byrjuð í fótboltaskóla

Við Unndís Ýr ákváðum að blogga og munum líka setja inn myndir öðru hverju. Það gengur ágætlega hjá henni að venjast nýjum stað er búin að kynnast einni vinkonu og vonandi bætast fleiri í hópinn. Unndís er komin í fótboltaskóla og gengur það vel eins er hún að byrja á fimleikanámskeiði svo þá fer hún að kynnast fleirum. Hún saknar vinkvennanna mjög mikið og talar mikið um Ísafjörð. En við erum duglegar að gera eitthvað saman út að hjóla(hér eru alveg frábærir hjólastígar og allt flatt eins og í Dk) fara í sund enda er hér alveg hreint frábær sundlaug og eins  í kring á Hellu, Borg í Grímsnesi og fleiri stöðum. Veðrið hefur leikið við okkur en sjálfsagt þurfum við að venjast rigningum,  það rignir víst frá enduðum ágúst fram í desember. Reyndar finnst henni eitt alveg frábært og það er að skólinn er í göngufæri ég get horft á hana út um eldhúsgluggann. Ætla láta þetta duga í bili set inn myndir vonandi í kvöld.