Brotnar rúður í dalnum

Var að lesa grein um Hnífsdal þar hefðu brotnað rúður í óveðri, það kom mér mjög á óvart, svo fylgdi mynd af Ísafirði  með fréttinni. SIGRÍÐUR MÍN ! ÞAÐ GENGUR EKKI.

Það er annars allt gott héðan, Unndís Ýr búin að vera með leiðindahósta en er að lagast. Svo er að bætast við nýr heimilisvinur en það er lítil kanína og eru þær stöllur Unndís og Ingunn búnar að smíða og mála búr fyrir hana. Unndís Ýr var að sýna ballett á laugadaginn var og tókst það mjög vel tókum fullt af myndum skelli þeim inn um helgina. Jón Þór ætlar að koma og vera með okkur um helgina og verður það nú bara gaman. Mamma var hér á síðstu helgi og leyst þeirri gömlu mjög vel á slotið hjá okkur.Nóg að gera á þessum bæ.

Bið að heilsa vestur og þá sérstaklega ykkur Hvestukonur.

Er þetta satt

Yfirmaður áhættustýringar Kaupþings tapaði 2 milljörðum mest tekið á láni og allar skuldir hreinsaðar hjá honum og fleiri hundruð aðra bankastarfsmenn sem tóku lán frá 10-1000 milljónir til að kaupa hlutabréf, sumir fengu sér cruiser 100 jeppa, fjármögnuðu heimsreisur og lúxus heimili. Allar skuldir hreinsaðar upp svo þeir geti hafið störf í nýju ríkisbönkunum okkar. Rökin sem FME og ráðamenn færa fyrir þessu er að það sé ómögulegt að manna yfirmannastöður í nýju bönkunum nema þetta sé gert, því lögum samkvæmt mega gjaldþrota einstaklingar ekki starfa fyrir banka. En það er til nóg af vel menntuðu heiðarlegu fólki, af hverju má ekki ráða það í staðinn fyrir þetta lið sem greinilega er ekki heiðarlegt

Nýr kreppusöngur

Fékk þennan texta sendan njótið vel

Gæinn sem geymir aurinn minn
 
Ég finn það gegnum netið
að ég kemst ekki inn
á bankareikninginn,
en ég veit að það er gæi
sem geymir aurinn minn,
sem gætir alls míns fjár,
og er svo fjandi klár,
kann fjármál upp á hár,
býður hæstu vextina,
og jólagjöf hvert ár.
 
Ég veit hann axlar ábyrgð,
en vælir ekki neitt,
fær þess vegna vel greitt,
hendur hans svo hvítþvegnar
og hárið aftursleikt.
Þó segi’ í blöðunum
frá bankagjaldþrotum
hann fullvissar mig um:
Það er engin áhætta
í markaðssjóðunum.
 
Ég veit að þessi gæi
er vel að sér og vís;
í skattaparadís
á hann eflaust fúlgur fjár,
ef hann kemst á hálan ís.
Því oftast er það sá,
sem minnstan pening á,
sem skuldin endar hjá. –
Fáir slökkva eldana,
sem fyrstir kveikja þá.
 
 
Fin.
Október 2008.
 

Fyrir þá sem ekki kvekja á laginu við þennann texta þá er það "Konan sem kyndir ofninn minn" - eftir Davíð Stefánsson 
 

Tökum verðtrygginguna

Ég er búin að hugsa mikið um hvað er hægt að gera í þessari kreppu og það sem maður heyrir núna er að unga fólkið ræður ekki við afborganir af lánum og að það vex svo hratt að íbúðir þeirra eru veðsettar uppfyrir raunverð. Eigum við að bíða eftir að þau fari til útlanda. Halló byggjum við ekki landið á unga fólkinu er það ekki fólkið sem tekur við.  Við verðum að taka verðtrygginguna strax og ef stjórnin gerir það, þá held ég að hún kæmi betur út í könnunum. Svo væri ég mjög hrifin af því að skipta út formanni í Sjálfstæðisflokknum og setja Þorgerði Katrínu í fomannsstólinn. Hún yrði kröftugur foringi sem engin gæti stjórnað eins og strengjabrúðu. 

Snjór á Selfossi

Mamma mamma það er komin snjór á Selfoss, hún var glöð sú stutta í morgun þegar hún sá snjóinn. Það er reyndar svolítið kalt og vindur, en hún er ákveðin á gönguskíði á að fara þegar skólinn er búin í dag. Við mæðgur ásamt 2 öðrum góðum konum ætluðum vestur á Ísafjörð á morgun en miðað við veðurspá sé ég það ekki fyrir mér. En við skellum okkur bara seinna. Gerum eitthvað annað skemmtilegt í staðinn sagði ég við dóttur mína þegar veðurspáin var birt, æi sú var leið var farin að hlakka svo til að hitta vinkonurnar og að komast í snjóinn en smá sárabót snjór hér líka. Að öðru leyti allt gott héðan. Eigið góðar stundir og þið fyrir vestan farið varlega.

Hver á útvarp sögu ????

Er von að maður spyrji. Ingvi Hrafn var að taka viðtal við Jón Ásgeir og satt að segja beið ég eftir að hann bæði nú GREYJIÐ Jón Ásgeir að bjarga nú Íslandi. Greinilegt hver réði þessu viðtali það vantaði bara manninn í röndótta grímubúningnum þá hefði þetta verið fullkomið.

Mamma hvað er kreppa

Stórt er spurt og fátt um svör Unndís Ýr vill fá nákvæmar útskýringar á því. Hvað er kreppa ? Ég reyndi að skýra það þannig að við sem búum í þessu þjóðfélagi værum búin að eyða of miklu núna ættum við að spara. Ekki var spurt meira um kreppuna þann daginn. Næsta dag voru hún og Ingunn á fullu að skrifa eitthvað niður á blað, komu báðar til mín og og báðu mig að skrifa fyrir sig  í tölvunni og það yrði að vera mynd á henni og réttu mér blöðin sem þær voru búnar að skrifa á. Mínar konur voru búnar að semja auglýsingu, þær ætla að taka að sér dýrapössun og ekki var verðið hátt  100 kr 2 klst en 200 kr ef dýrið þarf að vera yfir nótt. Af hverju ætlið þið að gera þetta spyr ég og var því fljótt svarað það er kreppa og við ætlum að vinna okkur inn fyrir nammi en líka að gefa fátækum. Ef þeir Bjöggarnir og og aðrir bankaeigendur hugsuðu svona eða hefðu hugsað eitthvað í líkingu við þetta væri Ísland kannski ekki alveg svona illa statt. En þeir gerðu það ekki og margir sitja uppi með engan ævisparnaðinn meðan þessir herrar dingla sér í sinni snekkju og pössuðu vel að hafa hana í stíl við þotuna. En maður veit aldrei kannski selja þeir öll herlegheitin og gefa hinum efnaminni því jú krppan er að stórum hluta þeim að kenna ásamt þeim sem eftirlitið áttu að hafa. Nóg um þetta. Við fjölskyldan erum ekki bara fjölskylda heldur stuðningsfjölskylda, hann Jón Þór bróðursonur minn ætlar að vera með okkur eina helgi í mánuði og finnst Unndísi þetta orð stuðningsfjölskylda voða flott, var fljót að segja vinkonum sínum að núna værum við eiginlega 2 fjölskyldur. Læt þetta duga set inn myndir mjög bráðlega. Eigið góðar stundir.

Orð að sönnu

 Held að það sé betra hjá okkur að hugsa svona á þessum krepputímum, því hvað er verðmætara en vináttan.

Gulli og perlum að safna sér,
sumir endalaust reyna,
vita ekki að vináttan er,
verðmætust eðalsteina.

Gull á ég ekki að gefa þér
og gimsteina ekki neina.
En viltu muna að vináttan er
verðmætust eðalsteina.

Höf: er Hjálmar Freysteinsson læknir og hagyrðingur á Akureyri

Syngjum saman

 Þessi texti gæti ekki átt betur við

Lagið við texta er Söknuður með Vilhjálmi Vilhjálmssyni

Mér finnst ég varla heill né hálfur maður

Og heldur blankur, því er ver

Ef væri aur hjá mér, væri glaður

Betur settur en ég er

VIÐLAG

Eitt sinn verða allir menn að borga

Eftir bjartan daginn kemur nótt

Ég harma það en samt ég verð að segja

að lánið fellur allt of fljótt

 

Við gátum spreðað, gengið um

Gleymt okkur í búðunum.

Engin svör eru við stjórnarráð

Gengið saman hönd í hönd

Saman flogið niður á strönd

Fundið stað, sameinað beggja lán.

 

Horfið er nú hlutabréf og lánsfé

í veski mínu hefur eymdin völd

Í dag ræður bara sultarólinn

Nú einn ég sit um skuldavönd

VIÐLAG

Ég horfi yfir bankann minn

Hugsi hvort hann hleypi mér inn

Ég alltaf gat treyst á þig

í að fjármagna mig

Ég reyndar skulda allstaðar

Þá napurt ER, það næðir hér

Og nýstir mig.

 

 

Gaman

Unndís Ýr hefur haft í nógu að snúast, er reyndar búin að vera meira og minna í pössun síðustu 3 daga því það var lota hjá mér í skólanum og ákvað ég að gista hjá Örnu og co. Hún sagði við mig þegar ég sagði henni að ég ætlaði að gista í Reykjavík mamma hvernig getur þú farið frá barninu þínu ? Mín greinilega góðu vön mamman alltaf heima og henni finnst að hún eigi að vera það. Það var nú samt mjög gaman hjá henni fyrst í pössun hjá vinkonu sinni og svo í morgun fór hún til Laufeyjar og Ásgerðar Jing og þar var heilmikið gert, fyrst farið í ballett svo að safna fyrir Rauða krossinn en það var göngum til góðs dagurinn og gekk þeim vel þrátt fyrir alla kreppu. Í Reykjavík hitti ég vinkonur hennar frá Ísafirði þær Ínu Guðrúnu Og Jóhönnu Ósk sem spurðu strax hvenær kemur Unndís á Ísafjörð og urðu þær glaðar að heyra að það færi nú að styttast í það. En Unndís Ýr fékk tár í augun þegar ég sagði henni frá því að þær hefðu hitt mig. Saknar þeirra enn mikið. Núna er hún og Ingunn að fá að gista saman í fyrsta sinn og verður gaman að sjá hvernig það gengur, þær eru mjög góðar saman og eru nánast samtvinnaðar alla daga búa í sömu götu og eiga afmæli með tveggja daga millibili. Biðjum að heilsa í bili, eigið góðar stundir